Dei som hadde lyst frå skulen, kunne i dag bli med på marknad omkring 2 timar utanfor Quito. Eg sa sjølvsagt ja, til tross for litt uvel endå, men resten av gjengen var slitne og uvel etter gårsdagens ladies night out, så vi kunne alle synes synd på kvarandre.
Vi pugga dyrenavn og andre nyttige ord saman med spansklæraren, medan vi traska rundt i møkk og sand, i tillegg til altfor mykje sol. Det kan ikkje beskrivast korleis marknader fungerer her.. dette var veldig spesielt. Dyra har det ikkje bra, og vi var litt advart på førehand. Det var kyr, esel, lama, sauer, kyllinger, kattar, marsvin, ja stort sett det meste. Folk bytter, kjøper, pruter og roper overalt. Dyra blir kasta og hengt opp her og der. Trøkka inn oppå kvarandre i små bur og fisken ligg ute i solsteiken. Ei mjølkekyr kosta omkring 250 NOK. Dei andre marknadene på same plassen var mykje betre, og her kunne du kjøpe frisk herlig frukt. Eg kjøpte meg ein rosa banan, som er nok ein eksplosjon i min munn, sjølv om favoritten endå er bananen eg åt på veg til Banjo. Vi måtte smake på ein spesialitet der, nemlig tortilla med ost. Det er egentleg ei slags maisblanding som blir fritert. Smaker litt som røsti-poteter, berre mykje betre. Det er også mykje ullklede her i tillegg til deilige linplagg. Eg kjøpte meg ein indianeraktig- alpakka genser for rundt 100 NOK, for å skli litt meir inn blant lokalbefolkningen. Blir artig å teste. Spanslæraren Julio ville undervegs gje oss noko å drikke, bra for magen påsto han. Når det er 60 prosent sprit vi får, så funkar kroppen svært så bra, så han hadde rett. Fnisande og bærande på ein grill som Julio kjøpte( påsto han skulle grille marsvin til oss), møtte vi resten av gjengen ved bussen. Min spansklærar som forsvant når Julio ville gje oss vidunderdrikka, møtte meg i bussen og krevde at vi satt ved siden av kvarandre reisa tilbake for å snakke spansk. Vi prata, ho spurte om eg hadde fått i meg alkohol, eg sa ja, bra for magen. Ho lo og rista på hodet.
Tilbake i Quito venta salsakurs. Sliten og trøytt etter ein fin dag i sola. Rød på nasen og ved godt mot.
Ingen kommentarer:
Legg inn en kommentar